QazAqparat - Jerdi jerdiń syryn, qadirin biletin sharýalar alýy kerek. Jer reformasy jónindegi respýblıkalyq komısıanyń Quqyqtyq jáne Aqparattyq-túsindirý baǵytyndaǵy jumys toptarynyń alǵashqy otyrysynda májilis depýtaty, komısıa múshesi Bekbolat Tileýhan osylaı málim etti, - dep habarlaıdy Qamshy.kz QazAqparatqa silteme jasap.

«Jer alynǵannan soń ol birinen ekinshisiniń qolyna ketip qalmaýy kerek. Qazirgi ózekti máseleniń biri - ıesi bolyp, paıdalanylmaı jatqan jerler. Ondaı jerler kóp», - dedi Bekbolat Tileýhan.

Onyń aıtýyna qaraǵanda, qazaqty jerge baýlý máselesi de ózekti. Bul rette depýtat aýyl sharýashylyǵy kenjelep qalǵan batystaǵy aımaqtan, jer qunary jaqsy óńirlerge qaraı halyqty aýdarý máselesin de alǵa tartty. «Bul jerdi paıdalaný saıasatynyń ózegi bolsa, nur ústine nur bolatyn edi. Óıtkeni, mundaı qadamdar arqyly tutastaı óńirlerdiń áleýmettik-ekonomıkalyq, demografıalyq, saıası máselelerdi sheshýge bolady.

«Qunarly jerler jergilikti halyqtyń qolynda bolýy kerek. Qarajat máselesine kelsek, onda ujymdyq negizdegi agrofırmalar qurylsa ıgi edi. Árıne, munda eshqandaı da májbúrlik degen bolmaýy kerek. Buǵan deıin aıtylyp júrgen aýyl sharýashylyǵy bankin qurý suraǵy áli de ózekti», - dedi Tileýhan.