Alǵash ret 12 synyp túlekterine sońǵy qońyraý soǵyldy, - dep habarlaıdy Qamshy.kz Baq.kz – ke silteme jasap.

Búgin Almaty qalasy fızıka-matematıka baǵytyndaǵy Nazarbaev Zıatkerlik mektebi óziniń eń alǵashqy túlekterin ushyrdy. Alǵash ret shahar boıynsha 12-synyp oqýshylary úshin sońǵy qońyraý soǵyldy. 160 oqýshy úlken ómir jolyna aıaq basty. Túlekter altyn uıa mektebimen qımaı qoshtasty. 

Saltanatty jıynda mektep dırektory Oleg Pak oqýshylar, ata-analar jáne ustazdar qaýymyn oqý jylynyń sátti aıaqtalýymen quttyqtap, olarǵa óz alǵysyn aıtty. Al túlekterge mektep atyn árdaıym bıikterden kórsetýine senim bildirip, aq jol tiledi.

Tolqyp turmyn,- deıdi Áıgerim Eńsebaı, - ekinshiden, boıymdy maqtanysh sezimi kernep tur, sebebi, biz Almaty qalasy boıynsha Nazarbaev Zıatkerlik mektepteriniń alǵashqy túlegimiz. Áıgerim Nazarbaev Ýnıversıtetine emtıhan tapsyrǵan. Endi nátıjesin kútýde.

Mektep bitirýshiler ustazdar qaýymyna aǵynan jarylyp, alǵystaryn jaýdyrdy. Mektep bitirýshiler válsi, júrekten shyqqan qoshtasý ánderi jınalǵan jurtty erekshe sezimge bóledi. Árdaıym oqýshylardyń basy-qasynan tabylatyn kýratorlary bala shaqtan bolashaqqa qadam attaǵan túlekterine sát sapar tilep, qımastyq sezimmen úlken ómirge shyǵaryp saldy.