25 mamyr kúni Ońtústik Qazaqstan oblysynda bolǵan eki jol apatynyń saldarynan tórt adam qaza tapty. Birneshe jolaýshy aýyr jaraqat aldy, - dep jazady kaz.tengrinews.kz TVK telearnasyna silteme jasap.

Úsh adam qaza tapqan birinshi jol apaty Sozaq aýdanynda bolǵan. Boljam boıynsha, jol boıynda Lexus pen Audi kólikteri betpe-bet soqtyǵysqan. Eki kólikte alty adam bolypty.

«Lexus kóligin 69 jastaǵy er adam júrgizse, al Audi tizgininde 29 jastaǵy taksıst bolǵan. Jol apatynyń saldarynan oqıǵa ornynda úsh adam qaza taýyp, úsheýi aýrýhanaǵa jetkizildi. Audi júrgizýshisi jansaqtaý bóliminde jatyr. Zardap shekkenderdiń ishinde kámeletke tolmaǵan 1999 jylǵy bala bar. Jantúrshigerlik apattyń jaı-japsary anyqtalyp jatyr», - dep habarlady telearna tilshileri.

Ekinshi jol apaty Shaıanǵa barar jolda bolǵan. «Taksomotorlyq parktegi avtokólikterdiń biri aýdarylyp ketken. Jol apatynyń saldarynan bir jolaýshy, BAQ qyzmetkeri oqıǵa ornynda qaza tapty. Taksı júrshizýshisi aýrýhanaǵa jetkizildi, ol da jansaqtaý bóliminde jatyr. İstiń mán-jaıy anyqtalyp jatyr», - delingen habarlamada.