Qyrǵyzstannan Máskeýge nápaqa tabýǵa kelgen jumysshy áıelder elimizdiń Mádenıet mınıstri Arystanbek Muhamedıulynyń "qyrǵyzdar ájethana tazalap júr" degen sózderine renishterin bildirdi dep habarlaıdy Qamshy.kz  Nur.kz-ke silteme jasap.

"Biz, bálkim ájethana tazalap ta júrgen shyǵarmyz, biraq bul - adal eńbek. Biz denemizdi saýdaǵa salyp júrgen joqpyz, tek óz otbasymyzdy asyrap júrmiz. Biz Qyrǵyzstan ekonomıkasyna súbeli úles qosýdamyz", - deıdi ózin Rısalát-eje dep tanystyrǵan áıel.

Odan ári kelinshek Muhamedıulyna jaýap qatty.

"Qazaq mınıstrine aıtarym, onyń sózderi durys emes. Biz Máskeýde erikkennen júrgen joqpyz. Biz tek azyǵymyzdy tabý úshin júrmiz. Túptep kelgende, munda ájethana jýyp júrgen Qazaqstan azamattary da barshylyq. Onyń esh uıattyǵy joq", - deıdi Rısalát-eje.

Onyń aıtýynsha, sheteldikter Máskeýge daǵdarystan keıin aǵylýda.

"Daǵdarysty tek qyrǵyzdar ǵana bastan keshirip jatqan joq. Qazaqstan, Reseı men Ózbekstan da qıyn jaǵdaıda. Daǵdarys qyssa bári de ájethana jýýǵa kirisedi", - dep jalǵastyrdy qyrǵyz áıel.

Ol óz otanynda mundaı jumysty eshkim uıat sanamaıtynyn alǵa tartty.

"Men munda on jyl jumys istep, eki qyzymdy oqytyp shyqtym. Barlyq balalarym otaý kóterip úlgerdi. Endi, buıyrtsa, úıimizge jóndeý jumystaryn júrgizemiz. Bul jerde ájethana jýyp júrsek te, elimizde syıly adambyz", - deıdi áıel.

Gýlá esimdi ózge qyrǵyz áıel de mınıstrimizdiń sózine ashýly kórinedi.

"Sizdiń sózderińizde sógý emes, túsinistik bolǵanda, áńgime basqasha bolar edi. Munda men jaqsy jalaqy alamyn. Ár halyqtyń basyna qıyndyqtar týyndaıdy. Men qazaqtarǵa jaqsy kózqarastamyn, alaıda mınıstrdiń sózi bizdiń kóńilimizge tıdi. Biz sizdiń sózińizdi durys dep sanamaımyz", - deıdi Gýlá.

Osy oraıda, Reseıdegi qyrǵyz mıgranttary jaıly sózi daýǵa ulasqan Arystanbek Muhamedıulynyń «qyrǵyz mıgranttary jaıly aıtqany úshin keshirim suraǵanyn» jazǵan bolatynbyz.  

Vıse-mınıstr Ǵalym Ahmedıarov «keıbir aqparat quraldary mınıstrdiń jaýabyn bergende onyń sóziniń eki shaǵyn ǵana úzindisin usynǵanyn», «anyǵynda jazýshy Shyńǵys Aıtmatovtyń talantyna bas ıetin mınıstr onyń tereń fılosofıasyna nazar aýdartqysy kelgenin» aıtady.

Degenmen, qazaq mınıstriniń sózi Reseıde júrgen qyrǵyz mıgrant qyz-kelinshekterin narazy etti. Olar mınıstr Muhamedıulynyń dárethana jýýdy ar kórgen pikirimen kelispeıtin pikirlerin vıdeoǵa túsirip, áleýmettik jeli arqyly taratqan.

Qazaq mınıstriniń qyrǵyz mıgranttary jaıly sózinen soń, mamyrdyń 24-i kúni Qyrǵyzstan syrtqy ister mınıstrligi Qazaqstannyń Bishkektegi elshiliginiń keńesshi-ýákili Erbol Ahmetovti shaqyryp alyp, qazaqstandyq dıplomatqa narazylyq notasyn tapsyrǵan.

Búginde qazaqstandyq aqparat quraldary Qazaqstan syrtqy ister mınıstrliginiń Qyrǵyzstan notasyna jaýap daıyndap jatqanyn habarlady. BAQ málimetinshe, mınıstrliktiń baspasóz hatshysy Ánýar Jaınaqov «nota mazmunyn jarıa etpeıtinin, jaýap daıyn bola sala qyrǵyz tarabyna jetetinin» aıtqan.