Qytaı úkimeti birneshe óndiristi Qazaqstanǵa nemese el shekarasyna jaqyn kóshirý máelesin qarastyryp jatyr. Bul týraly Astana ekonomıkalyq forýmy barysynda álemdegi eń iri port operatorlarynyń biri DP World Dırektorlar keńesiniń tóraǵasy málimdedi, - dep habarlaıdy Qamshy.kz Today.kz – ke silteme jasap.

Sultan Ahmed ıbn Sýlaım ýaqytty aıtarlyqtaı únemdegenimen, temir jol tasymaly teńiz tasymalynan álde qaıda arzan túsetindigin aıtyp otyr.

«Sondyqtan, bolashaqta Qytaı óz óndiristerin Eýropaǵa jaqyn, Qazaqstan jaǵyna qaraı kóshirýi múmkin. Men solaı bolady dep te úmittenemin. Qazir Qazaqstan óz jaǵynan Qorǵas portyn kóliktik múmkindikterdiń artyqshylyqtaryn paıdalaný úshin logıstıkalyq park túrinde damytyp jatyr», –  deıdi ıbn Sýlaım.

Operator-kompanıa basshysy Qytaı úkimeti óndiristik shyǵyndy azaıtýdy qarastyryp jatqanyn aıtty. Al óndiristerdi Qazaqstanǵa jaqyn nemese el ishine kóshirý Eýropaǵa taýar jetkizýdi 12-13 kúnge qysqartatyndyǵyn aıtady.

Esterińizge salsaq, sesıa barysynda QTJ basshysy Asqar Mamın sońǵy bes jylda ulttyq kompanıa Qytaıdan Eýropaǵa konteınerlik tasymaldy 100 esege artqanyn aıtqan bolatyn.