Erke ánshi Erke Esmahan ınstagram paraqshasyndaǵy 999 myń oqyrman sany mıllıonǵa jetip, mıllıonynshy jazylýshysyna óziniń sahnalyq kóılekteriniń birin syıǵa tartady, dep habarlaıdy Qamshy.kz.

Bul týraly ánshi óziniń ınstagram paraqshasynda jazdy.

Otandyq telearnalardyń birinde qonaqta bolyp, sonda mıllıonynshy oqyrmanyna óziniń sahnalyq kóılekteriniń birin syıǵa tartatynyn aıtqan ánshi endi ýádesin oryndamaq.

Ánshiniń ózi aıtqandaı, mıllıonshy oqyrman qyzǵa sahnalyq kóılegin tartý etedi. Al eger er adam bolyp shyqsa, kerisinshe mıllıonshy jazylýshy er-jigitten ózi syılyq kútetinin aıtty.

Áleýmettik jeli paraqshasyna mıllıonshy jazylýshyny oqyrmannyń sanaýyna qaldyrǵan ánshi artynan bárin ózi baqylaýǵa alatynyn eskertti.

«Mılllıonshy jazylýshyny oqyrmen emes, ózim tańdaıtyn boldym. Óıtkeni mln-shy oqyrmandy sanap tabý qıyn eken. Keshirim suraımyn» dep jazdy Erke Esmahan.

Bul habarlandyrýdy jazǵanda Erkeniń oqyrman sany 999 myń bolatyn.

Al qazir tup-týra mıllıonǵa jetti.

Erke Esmahannyń kóılegi qaı arýǵa buıyratyny nemese Erkege qaı seriniń syılyq usynýǵa múmkindigi bolatyny ázirge belgisiz.