Alibaba Group kompanıasynyń negizin qalaýshy, qytaılyq belgili kásipker, Azıadaǵy eń baı adam Djek Maǵa qazaqtyń ulttyq shapany syıǵa tartyldy, - dep habarlaıdy Qamshy.kz Tengrinews.kz – ke silteme jasap.

Qytaılyq bıznesmen Astanada ınternet-kommersıa, e-commerce, ınfokommýnıkasıalyq qyzmetter men servıster salalarynyń, "Qazaqtelekom" AQ ókilderimen, elimizdegi elektrondyq komersıany damytýdy zertteýmen aınalysatyn stýdenttermen kezdesý ótkizdi.

Djek Ma Qazaqstanda jaqsy múmkindikter bar bolǵanymen, elektrondyq komersıa naryǵynyń baıaý damyp jatqanyn aıtty. Qytaılyq kásipkerdiń aıtýynsha, elimiz Azıadaǵy elektrondyq saýdanyń ortalyǵy bola alady.

"Eldiń bolashaǵy zor. Cizderde taý-ken qazý ónerkásibi, munaı men aýyl sharýashylyǵy jaqsy damyǵan, degenmen qyzmet kórsetý salasy joq. Onyń ishinde qyzmet ındýstrıasy. Osydan 20 jyl buryn, Internet bolmaǵan kezde óńdeýshi salalarda ónerkásip úshin konveıer, jaqsy mashınalar, kóp aqsha kerek boldy. Qazir, Internet bar kezde munyń barlyǵyn isteý ońaı. (...) Qazaqstan Azıadaǵy elektrondyq komersıa ortalyǵy bola alady", - dedi Alibaba Group kompanıasynyń negizin qalaýshy.

"Qazaqtelekom" AQ Basqarma tóraǵasy Qýanyshbek Esekeev sharanyń sońynda Djek Maǵa qazaqtyń ulttyq shapanyn syılady. Sonymen qatar, ol qazaq halqy qurmetti qonaqqa osyndaı qoshemet kórsetetinin aıtty. Djek Ma óz kezeginde kezdesýdi uıymdastyrýshylarǵa alǵys aıtty.

Djek Ma - Forbes jýrnalynda sýreti jarıalanǵan qytaılyq alǵashqy kásipker. Kásipker jaqynda ǵana Djek Ma Azıadaǵy eń baı adam atandy. Onyń baılyǵy 4,3 mıllıard dollarǵa ósip, 33,3 mıllıard dollardy qurady.