Qytaılyq Alibaba Group kompanıasynyń negizin qalaǵan belgili kásipker Djek Ma Qazaqstanǵa shaǵyn bıznesti damytýǵa keńes berdi, - dep habarlaıdy Qamshy.kz Tengrinews.kz – ke silteme jasap.

"Qazaqstan týraly kóp bilimim bar dep aıtpaı-aq qoıaıyn. Bir biletinim, qoldaryńyzdan munaı shyǵarý keledi, sondyqtan iri kompanıalaryńyz kóp. Qazaqstanǵa aıtar keńesim, sizderde shaǵyn kompanıalar men shaǵyn kásiporyndar kóp bolýy kerek. Eger servıs qyzmetterin damytqylaryńyz kelse, ekonomıkalaryńyz ekpindi bolsyn deseńizder. Al, kóp shaǵyn kompanıalaryńyz bolsyn deseńizder, sizderde kásipkerler kóp bolýy kerek, jastarǵa dem berip, olardy oqytyńyzdar. Kompanıanyń barlyq qadamy 20 jyl buryn tamasha bolǵan edi", - dedi ol.

Alibaba Group kompanıasynyń negizin qalaǵan kásipkerdiń pikirinshe, orta klass barlyq eldiń ekonomıkasyn kúsheıtedi. 

"Ózderińiz ónim shyǵaryńyzdar, bul sizderge paıdaly, elderińiz úshin paıdaly. Bul álem - problema. Bizde óte baı adamdar bar, biraq bizde kedeı adamdar óte kóp. Al orta klasymyz qaıda? Saýda, shaǵyn bıznes orta klass ókilderiniń sanyn mıllıonǵa jetkize alatyn sala. Orta klass kúshtirek bolsa, el jańarady, turaqty ári qýatty bolady. Orta klass úlken emes. Qazaqstannyń aıtarlyqtaı múmkindikteri bar. Sizderde iri jáne shaǵyn kompanıalar bar, olar ózgere alady. Bolashaq shaǵyn kompanıalarda. Naryqta iriler bolmaıdy, jaqsylary ǵana bolady. Shaǵyndary kúshtirek ári turaqty bolady. Qazaqstanda tamasha shaǵyn kompanıalar bar. Osy jaǵdaıda el ekonomıkasy óte qýatty bolady. Men osyǵan senemin", - dedi qytaı kásipkeri.