Almaty ákimdigindegiler azamattarǵa jeke turǵyn úı qurylysyna tegin jer ýchaskelerin berý máselesine qatysty túsinik berdi, - dep habarlaıdy Qamshy.kz Tengrinews.kz – ke silteme jasap.

Jergilikti atqarýshy organnyń málimetinshe, Almaty qalasy terıtorıasynda bos jatqan jer ýchaskeleriniń joq bolýyna baılanysty, qazirgi ýaqytta qalada jer ýchaskelerin jeke turǵyn úı qurylysyna berý múmkin emes.  

"Almaty qalasy Bas josparyna sáıkes, Almaty qalasy máslıhatynyń 2006 jyldyń 20 qarashada bekitken №284 sheshimimen jeke turǵyn úı qurylysyna jańa aýdandardy damytý qarastyrylmaǵan", - delingen habarlamada. 

Aıta keteıik, Jer kodeksine sáıkes, Qazaqstan azamattary jeke turǵyn úı qurylysyna óz menshigine tegin 10 sotyq jer ala alady. 

Eske salaıyq, osyǵan deıin QR Ulttyq ekonomıka mınıstrliginiń ókilderi qazaqstandyqtarǵa jeke turǵyn úı qurylysyna tegin 10 sotyq jerdi berý tártibin túsindirgen bolatyn. Qazirgi ýaqytta tegin jer alý kezeginde 1 mıllıon 129 myń qazaqstandyq tur eken. Mınıstrliktegiler Qazaqstan azamattarynyń 10 sotyq jerdi tegin alýǵa quqy bar ekenin eske saldy. Alaıda jergilikti atqarýshy organdar komýnıkasıa júrgizilgen jaǵdaıda ǵana beredi eken. 

Elimizde bul norma qabyldanǵaly beri jeke turǵyn úı qurylysy jerlerin alýǵa 1 547 141 ótinish túsipti. 2005 jyldan bastap qazaqstandyqtarǵa 417 949 jer ýchaskesi berildi: OQO - 81 190, Aqmola oblysy - 40 147, Almaty oblysy - 59 169, Mańǵystaý oblysy - 43 276. Astana men Almatyda 10 jyl ishinde halyqqa 1447 jáne 26 444 jer ýchaskesi berilipti.