«Eger de 1990 jyldardyń basynda Qazaqstan halqynyń 40 paıyzy kedeılik sheginen asa ómir súrse, qazir elimizde halyqtyń 3 paıyzy ǵana kedeılik jaǵdaıynda ómir súrýde», - dedi búgin prezıdent N. Nazarbaev Astana ekonomıkalyq forýmynda jasaǵan baıandamasynda. Bul týraly Qamshy.kz QazAqparatqa silteme jasap habarlaıdy.

«Biz halyq kirisiniń arajigin alystatpaı, kedeılik deńgeıin áldeqaıda azaıttyq. Eger de, 1990 jyldardyń basynda árbir úshinshi qazaqstandyq (40 paıyzy) kedeılik sheginde ómir súrgen bolsa, al, qazir kedeılik sheginde ómir súretin halyqtyń úlesi  - 3 paıyz.  Ekonomıkamyzdy endi kóterip jatqanda, biz tutyný dúrbeleńine shaldyqpaı, adamı kapıtalǵa ınvestısıa saldyq», - dedi N.Nazarbaev.

Memleket basshysy atap ótkendeı, adam kapıtalynan ózge Qazaqstannyń mańyzdy damý baǵyty - ınfraqurylym men ındýstrıalandyrý bolyp otyr.  «Qazaqstannyń ındýstrıalyq-ınnovasıalyq saıasaty, ınfraqurylymǵa ınvestısıa quıý saıasaty ornyqty jyldar ishinde qıyn kúnderge qor jınaýǵa múmkindik berdi», - dep atap ótti Prezıdent.