Aldaǵy 30 jylda Internet álemdi budan artyq ózgeriske ushyratady. Bul týraly búgin Astana ekonomıkalyq forýmynyń plenarly otyrysynda Alibaba Group kompanıasynyń negizin qalaýshy jáne Dırektorlar keńesiniń tóraǵasy Djek Ma málim etti, - dep habarlaıdy Qamshy.kz inform.kz – ke silteme jasap.

«Álem ózgerdi, ıaǵnı sońǵy birneshe jylda Internet barsha álemdi ózgertti. Aldaǵy 30 jylda Internet álemdi budan artyq ózgeriske ushyratady. 1,8 mlrd adam ótken ǵasyrdyń 80-shi jyldarynan keıin ómirge keldi. Búginde olar  Internettiń býyny dep sanalady jáne bul býyn únemi jańashyldyqty kútedi. Atap aıtqanda, Internet álemge eleýli úlesin qosty, sonymen qatar keıbir keri áserleri de boldy. Jalpy, biz elektrondy joldy qurý týraly oıladyq pa? Iaǵnı, Azıa men AQSH arasynda, Azıa men Eýropa arasynda joldy qalyptastyrýdy qarastyrdyq pa? Osy elektrondy jumys arqyly kez kelgen shaǵyn bıznes aqysyz túrde jyljyp, bıznesin shyǵynsyz júrgize alady. Osy jolda uıaly telefony bar árbir adam kez kelgen ónimdi saýdalaýǵa qaýqarly bolady. Meniń oıymsha, bul turǵyda oılanǵan durys bolar edi»,-dedi Djek Ma.