22 jastaǵy Nazym Qyzaıbaı men 23 jastaǵy Dına Jolaman Astana qalasynda áıelder arasynan ótip jatqan álem chempıonatynyń fınalyna shyqty, - dep habarlaıdy Qamshy.kz Tengrinews.kz – ke silteme jasap.

Álem chempıony Nazym Qyzaıbaı (48 keli salmaq dárejesine deıin) Qytaıdyń Iang Gým Ý esimdi boksshysymen jartylaı fınalda kezdesip, qarsylasyn 3:0 esebimen jeńdi. Qazaqstandyq sportshy qyz úshin bul mansabyndaǵy ekinshi álemdik fınal eken. Aıta keteıik, ol 2012 jyly ótken álem chempıonatynda qola júldeni ıelense, 2014 jyly altyn júldeni ıelengen. Nazym Qyzaıbaıdyń endigi qarsylasy - qytaılyq Van Iýán.

Sonymen qatar, 54 keli salmaqta judyryqtasatyn Dına Jolaman qytaılyq Lú Pıaopıaony jeńgen bolatyn. Dına birinshi raýndta jeńilip, ekinshi raýndta jeńdi. Onyń endigi qarsylasy AQSH-ǵy Krıstına Krýs esimdi boksshyny jartylaı fınalda jeńgen bolgar sportshysy Stoıka Petrova.

Osyǵan deıin álemdik týrnırdiń jartylaı fınalyna Jaına Shekerbekova (51 keli salmaqqa deıin), Aıjan Qojabekova (57 keli salmaqqa deıin), Valentına Halzova (69 keli salmaqqa deıin) jáne Lázzat Kúngeıbaeva (81 keli salmaqtan artyq) esimdi sportshylar ótken edi.

Eske salaıyq, Astanada ótip jatqan áıelder arasyndaǵy bokstan álem birinshiliginde jeńiske jetkender 6-21 tamyz aralyǵynda Rıo-de-Janeıroda ótetin Olımpıada oıyndaryna qatysa alady. Týrnır "Barys-Arenada" ótip jatyr. Al aqtyq kezdesýler 27 mamyrda ótedi. Jekpe-jek saǵat 15.00-de bastalady.