QR Ulttyq ekonomıka mınıstri Qýandyq Bıshimbaev Ulttyq panteon  qurylysyna respýblıkalyq búdjetten qarjy bólinbeıtindigin málimdedi, - - dep habarlaıdy Qamshy.kz  QazAqparatqa silteme jasap

«Panteonǵa aqsha joq. Bul maqsatta eshqandaı aqsha qarastyrylǵan emes. Sizderge osy jyldyń búdjetine qurylys júrgizýge qarjy qarastyrylmaǵandyǵyn aıta alam. Kelesi jylǵa da kózdelmegen», - dedi ol búgin QR Prezıdenti janyndaǵy Shetel ınvestorlary keńesi otyrysy aıasynda BAQ ókilderine.

Aıta keteıik, taıaýda halyqpen eseptik kezdesý ótkizgen QR Mádenıet jáne sport mınıstri Arystanbek Muhamedıuly Astanada salynǵaly jatqan ulttyq panteonǵa qatysty pikirin bildirgen bolatyn. «Bizde eki jyl buryn ulttyq panteonnyń qurylysy jaıynda qyzý talqylaýlar bastaldy. Árbir elde ulttyq panteon bar, sondyqtan ol bizge de kerek. Nege biz Parıj, Baký sıaqty qalalarǵa barǵanda panteon kóremiz?! Sebebi tarıhta joǵary orynǵa ıe bolǵan uly tulǵalardyń esimi kelesi urpaqtar úshin de qasterli ulttyq mura retinde qalýy tıis. Panteonnyń qurylysy jónindegi ıdeıa uly jazýshymyz Ábish Kekilbaev pen aqyn Farıza Ońǵarsynova dúnıeden ótken kezde týdy. Olardy týǵan jerlerinde me nemese Astanada jerleý kerek pe degen saýal týyndady. Sol kezde Astanada panteon salý kerek degen másele aldymyzdan shyqty. Sondyqtan Astanada osyndaı panteonnyń boı kóterýi durys dep sanaımyn», - degen edi ol tilshilerge bergen suhbatynda.