Almaty ýnıversıtetinde Chernobyl atom elektr stansıasyndaǵy apatqa 30 jyl tolýyna baılanysty pedagogıkalyq mamandyqtar kafedrasynyń «Geografıa» jáne «Shet tili: eki shetel tili» mamandyqtarynyń stýdentteri men top kýratorlary Sh.S. Kosherbaeva, G.B. Ikramova uıymdastyrýymen «Chernobyl jarylysynyń zardaby» atty is-shara ótti, - dep habarlaıdy Qamshy.kz.

Keshtiń qonaǵy retinde Chernobyl apatynan qutqarý barysynda óz boryshyn oryndaǵan M.V. Shýklın, V.G. Býldakov, A.V. Dolgıh shaqyryldy. Kezdesýdi Ýnıversıtettiń tárbıe isi jónindegi prorektory S.T. Amanǵalıeva ashyp, qonaqtarmen tanystyrdy.

Kezdesý barysynda stýdentter ózderin tolǵandyrǵan saýaldardy qoıdy. Chernobyl apatyn óz kózimen kórgen qonaqtardyń aıtar áńgimeleri de kóp ekendigin kezdesý barysynda kóz jetkizdik. Óz kezeginde sóz sóılegen M.V. Shýklın:

- Chernobyl atom elektr stansıasyndaǵy 1986 jylǵy 26-sáýirdegi apatty joıýǵa 600 myńǵa jýyq adam qatysty. Onyń ishinde hımıalyq qorǵaý polki quramyndaǵy 32 myń qazaqstandyq boldy. Ýkraın halqy Chernobyl apatynyń zardabyn joıýǵa tıgizgen paıdamyz úshin áli kúnge zor rızashylyqpen alǵys aıtady. Bizder óz densaýlyǵymyz ben ómirimizdi qıyp, ýkraın halqynyń basyna aýyr kún týǵanda qasynan tabylyp, kómek kórsettik. Chernobyl apaty kúlli adamzattyń qasiretine aınaldy,-dep aıtyp ótti.

Kezdesý sońynda sóz sóılegen tárbıe isi jónindegi prorektor S.T. Amanǵalıeva:

- Búgingi ótkizilip otyrǵan kezdesý «Chernobyl jarylysynyń zardaby» taqyryby aıasynda bolyp otyrǵandyǵyn sóz basynda aıtyp óttim.  Bul — keltirgen zalaly men saldary jóninen HH ǵasyrdaǵy eń iri tehnogendik radıasıalyq apattyń biri. Búgin mine, Chernobyl apatynan qutqarý barysynda óz boryshyn oryndaǵan adamdarmen kezdesip, Chernobyl apaty týraly óte jaqsy maǵlumattar aldyq. Kezdesýge kelip óz oılarymen stýdentterge bóliskeni úshin qonaqtarymyzǵa alǵyz bildiremiz,-dedi. 

Altyn ýaqytyn bólip, kezdesýge kelgen qonaqtarǵa rektor atynan baǵaly syılyqtar tabys etildi.