Amerıka qurama shtattarynyń Qazaqstandaǵy elshisi Djordj Krol Qazaqstanda ótken ruqsat etilmegen mıtıńterge AQSH-tyń eshqandaı qatysy joqtyǵyn málimdedi, - dep habarlaıdy Qamshy.kz QazTAG-qa silteme jasap.

«Eshqashan bulaı (AQSH-tyń Qazaqstandaǵy mıtıńterge qatysy bar – red.) dep aıtýǵa bolmaıdy. Men buny estidim. Bul – ertegi. Bizdiń, memlekettik departamenttiń de, AQSH úkimetiniń de buǵan qatysy joq. Bul Qazaqstannyń ishki sharýasy jáne men buǵan qandaı da bir pikir bildirgim de kelmeıdi», - deıdi Dj. Krol.

Elshi sonymen qatar, AQSH-tyń basqa elderde tynyshtyq bolǵanyn qalaıtynyn da aıtqan.

«Men qazir barlyǵy tynysh dep oılaımyn. Biz, árıne, barlyq elderde, onyń ishinde Qazaqstanda, Amerıkada, taǵy basqa elderde tynyshtyq bolǵanyn qalaımyz», - deıdi ol.

Buǵan deıin áleýmettik jelilerde jáne «Eýrazıa» telearnasynda Qazaqstandaǵy jer daýyna baılanysty narazylyq sharalaryna AQSH úkimetiniń qatysy bar degen aıyptaýlar aıtylǵan bolatyn.