QR Parlamenti Senaty «Qazaqstan Respýblıkasynyń keıbir zańnamalyq aktilerine áleýmettik qamsyzdandyrý máseleleri boıynsha ózgerister engizý týraly» Zańyn qabyldady.

QR Eńbek jáne halyqty áleýmettik qorǵaý mınıstri Tamara Dúısenova depýtattar nazaryna usynǵan Zań  QR Neke jáne otbasy kodeksine jáne halyqty áleýmettik qamsyzdandyrý men azamattardy áleýmettik qoldaý máseleleri jónindegi 6 zańǵa zeınetaqy men áleýmettik tólemderdi arttyrýǵa  baǵyttalǵan ózgerister men tolyqtyrýlar engizýdi kózdeıdi.

«Zeınetaqy tólemderiniń mólsherlerin osy jyldyń basynan bastap arttyrylǵanyn  eseptegende bazalyq zeınetaqyny 12 paıyzǵa deıin, eńbek zeınetaqylaryn 14 paıyzǵa deıin arttyrý kózdelgen. Osyǵan baılanysty zeınetaqymen qamsyzdandyrý týraly QR zańyna zeınetaqyny esepteý úshin qoldanylatyn tabystyń shamasyn aǵymdaǵy jyldyń 1 sáýirinen bastap 39-dan 41 aılyq eseptik kórsetkishke deıin kóbeıtý bóliginde ózgerister engiziledi. Bul zeınetke aǵymdaǵy jyldyń 1 sáýirinen keıin shyǵatyn azamattardyń zeınetaqysyn buǵan deıin zeınetke shyqqan azamattardyń zeınetaqy tólemderimen teńestirýge múmkindik beredi», - dedi mınıstr.

Onyń atap ótýinshe, qabyldanatyn sharalar bazalyq zeınetaqy tólemi mólsherin 10450 teńgege deıin nemese 12 paıyzǵa kóterý máselesin qarastyrady. Al eńbek zeınetaqy mólsherin 46661 teńge kóleminde qamtamasyz etedi.

QazAqparat