Kingdom Tower jobasynyń júzege asyrylýy - úsh jyldan beri sheshimin tappaı kele jatqan másele edi. Mine, endi ǵana joba tolyqqandy túrde qolǵa alyndy, dep jazady hi-news.ru.

Saýd Arabıasyndaǵy Djıdda qalasynda salynýy tıis bul ǵımarat týraly sóz sonaý 2000 jyldary-ak qozǵalǵan edi. 2008 jyldan beri ol birneshe ret qolǵa alynyp, týyndaǵan qıyndyqtarǵa baılanysty birneshe ret toqtap qalǵan. Dál qazirgi sátte Kingdom Tower ǵımaratynyń bıiktigi shamamen 1007 metr bolady, dep kútilip otyr. Desek te, ınjenerler ony budan da bıik etip salmaqshy edi, belgili bir sebepterge baılanysty ol oılarynan bas tartqan tárizdi. Alaıda bul munaranyń álemdegi eń bıik ǵımaratqa jatqyzylýyna bóget bola almaıdy. Kingdom Tower-den keıingi ekinshi orynda bıiktigi 828 metr bolatyn Býrdj-Halıfa ǵımaraty tur. Al úshinshi oryndy 2015 jyly salynyp bitetin, bıiktigi 660 metrge deıin jetetin Pınan qarjy ortalyǵy ıelenedi. Aıta keteıik, Kingdom Tower qurylysyn brıtandyq EC Harris and Mace kompanıasy aǵymdaǵy jyldyń 27 sáýirinde bastamaq.