Jer komısıasynyń Almaty oblysynda ótip jatqan otyrysynda saıasatker Hasen Qoja Ahmet jerdi sheteldikterge jalǵa berýge, Qazaqstan azamattaryna jeke menshikke satýǵa múldem bolmaıtynyn aıtty, - dep habarlaıdy Qamshy.kz.

«Biz jekeshelendirý degendi kórdik. 90-jyldary nebir naýqan boldy. Qazir de sony kórip otyrmyz. Búgin eshbir sharýa ózi daǵdarystan qınalyp otyrǵanda qalaı jer satyp alady? Satyp ala almaıdy. Úkimet sony paıdalanyp jerdi sharýalardan tartyp almaqshy. Sosyn Qytaıǵa, basqaǵa bermekshi. Sol sebepten jerdi shetelge jalǵa berý, satý degendi qoıý kerek. Jer tek Qazaqstan azamattaryna jalǵa berilýi kerek», - deıdi Hasen Qoja Ahmet.

Sondaı-aq, ol árbir qazaqstandyqtyń jerge úlesi saqtalýy qajettigin, kez-kelgen azamattyń jer paıdalanýǵa múmkindik berý kerektigin aıtady.