Jaz kelisimen masalar mazany qashyrady. Olardan dalada da, úıde de jasyryný múmkin emes. Bul jándikterden qorǵanýdyń halyq arasynda taraǵan ádis-tásilder kóp.

Masalar qaztamaq, qyzanaq jáne raıhan gúldiń ıisin jaqtyrmaıdy. Gúl salynǵan ydysty tereze aldyna qoısa, jándikterdiń bólmege kirmeıtinin ańǵarýǵa bolady. Úıde cherrı (burysh) qyzanaǵy men raıhan gúlin ósirýge bolady. Olardyń jemisi kádege jaraıdy.

Vanıldi iritindiniń kómegimen dalada masalardan qorǵanýǵa bolady. Bir as qasyq vanıl untaǵyn jarty staqan sýǵa ezip, bul eritindini kıimge, deneniń ashyq jerlerine jaǵyńyz. Vanılınge bir as qasyq balalar kremin qosýǵa bolady. Budan keıin eshbir masa jolamaıdy!

Qaınatylǵan jýsan tamyry da masalarǵa qarsy jaqsy áser etedi. Jýsannyń qurǵaq tamyrlaryna (dárihanadan daıyn qospa satyp alýǵa bolady) bir lıtr sý quıyp, qaınatyp, ottan alǵan soń birneshe saǵat sýytý kerek. Keıin bul qaınatpany kıimge jáne denege seýip, tipti, kereýet mańyndaǵy edendi sol sýmen jýýǵa bolady.

Moıyl gúlderi, raıhan japyraqtary men bıdaıyq tamyrynyń qaınatpalary da osy iske kómegi tıedi.

Kereýet mańyna valerán tunbasyna qanyqqan (malynǵan) sponjıkterdi qoıyńyz. Masalar sizdi mazalamaıdy. Alaıda úıde mysyǵy barlarǵa bul ádis jaramaıdy. 

Derekkóz: QazAqparat