2016 jyldyń 13 - 18 maýsym aralyǵynda Qaraǵandy oblysynyń "Spassk" polıgonynda II respýblıkalyq áskerı-patrıottyq «Aıbyn» jastar jıyny ótti, - dep habarlaıdy Qamshy.kz.
Oqý ortalyǵynda jazylǵan shatyrlarynda 800-den asa jastardyń basy qosyldy. Olar respýblıkanyń barlyq óńirinen kelgen áskerı-patrıottyq klýbtardyń tárbıelenýshileri, sondaı-aq respýblıkalyq áskerı-mektep ınternattarynyń jáne 26 joǵary oqý oryndardaǵy áskerı kafedralardyń stýdentteri.
Jıyndy saltanatty túrde ashqan Qorǵanys Mınıstriniń Birinshi orynbasary - QR Qarýly Kúshteriniń Bas shtab bastyǵy general-polkovnık Sáken Jasuzaqov. Ashylý saltanatynda jas patrıottarǵa, bolashaq Otan qorǵaýshylaryna QR QM qurmetti qaraýyl rotasynyń áskerı qyzmetshileri óz sheberlikterin, spesnaz jaýyngerleri óz kúshteri men beıimdilikterin kórsetti. Eldiń Áskerı-áýe kúshteri men Qurlyqtaǵy áskerleriniń bólimsheleri ózara árekettesip shartty qarsylastyń shabýyldaýyna toıtarys berý boıynsha arnaıy operasıasyn oryndady. Este qalatyny, "Aıbyn" jıynyna bıyl Qazaqstan joǵary oqý oryndary janyndaǵy áskerı kafedralarynyń qyz-kýrsanttary da qatysty.
Sporttyń áskerı-qoldanbaly túrleri, áskerı-dalalyq taktıkalyq oıyndar, robototehnıka saıysy jáne "Aıbyn daryny" ıntellektýaldy saıysy boıynsha eń úzdikter Qazaqstan Respýblıkasynyń Qorǵanys Mınıstri Imanǵalı Tasmaǵambetovtyń qolynan óz júldeleri men syılyqtaryn aldy.
Ál-Farabı atyndaǵy QazUÝ áskerı kafedra stýdentteri barlyq saıystar men jarystarǵa qatysty. "Aıbyn daryny" ıntellektýaldy jarysynyń ıegeri - Esenov Dosbol, al jeke synaqta 52 qyzdar arasynan 2 oryndy stýdent Ómirserikqyzy Aınur bolsa, "Meniń robotym" nomınasıasynda "Eń úzdik joba jáne úzdik tehnıkalyq qujattama" úshin 1 oryndy stýdent Rahatov Dastan ıelendi.
Áskerı-patrıottyq "Aıbyn" atty jastar jıynynyń qorytyndylary boıynsha ál-Farabı atyndaǵy QazUÝ áskerı kafedranyń komandasy 26 qatysqan komandalar arasynan 3 júldeli oryndy aldy. 2015 jyly bizdiń komanda jalpykomandalyqta 13 oryn alǵan. Bul jetistik profesorlyq-oqytýshy quramy men áskerı kafedra stýdentteriniń jemisti eńbekteriniń nátıjesi bolyp tabylady.
Elnara Beısetbaeva
Ál-farabı atyndaǵy QazUÝ áskerı kafedrasynyń áskerı-patrıottyq jáne jappaı-qorǵanys jumys bóliminiń bastyǵy
