Prezıdent jarlyǵymen burynǵy Investısıa jáne damý mınıstri Áset Isekeshev Astana qalasynyń ákimi bolyp taǵaıyndaldy, - dep habarlaıdy Qamshy.kz.

Esterińizge salsaq, Astananyń burynǵy ákimi Ádilbek Jaqsybekov Prezıdent ákimshiliginiń basshysy bolyp taǵaıyndalsa, N. Nyǵmatýllın Prezıdent ákimshiliginiń jetekshisi laýazymynan bosap, «Nur Otan» partıasy atynan Májilis depýtaty bolyp tirkeldi. N. Nyǵmatýllın buǵan deıin Qaraǵandy oblysynyń ákimi, «Nur Otan» HDP tóraǵasynyń birinshi orynbasary, Májilis spıkeri syndy laýazymdardy atqarǵan bolatyn.

Al, Májilistiń burynǵy tóraǵasy B. İzmuhambetov «Ardagerler uıymy» RQB jetekshiligine saılandy.

Isekeshev Áset Órentaıuly 1971 jyly 17 tamyzda Qaraǵandy qalasynda týǵan. Ál-Farabı atyndaǵy Qazaq Ulttyq ýnıversıtetiniń, QR Prezıdenti janyndaǵy Memlekettik basqarý Joǵary mektebiniń túlegi.

Ár jyldary ındýstrıa jáne saýda vıse-mınıstri, «Qazyna» turaqty damý qory» AQ basqarma tóraǵasynyń orynbasary, Prezıdent kómekshisi, ındýstrıa jáne saýda mınıstri, Premer-mınıstrdiń orynbasary, ınvestısıa jáne damý mınıstri laýazymdaryn atqarǵan.