Investısıalar jáne damý mınıstri bolyp Jeńis Qasymbek taǵaıyndaldy, - dep habarlaıdy Qamshy.kz Aqorda saıtyna silteme jasap.

«Jeńis Mahmuduly Qasymbek Qazaqstan Respýblıkasynyń Investısıalar jáne damý mınıstri bolyp taǵaıyndalsyn», - delingen Prezıdent Jarlyǵynda.

Atalǵan laýazymǵa taǵaıyndalǵanǵa deıin J. Qasymbek atalǵan mınıstrlik basshysynyń birinshi orynbasary qyzmetin atqarǵan.

J. Qasymbek 1975 jyly Jambyl oblysynda dúnıege kelgen. Mamandyǵy – sáýletshi-dızaıner. 2001 jyly L. Gýmılev atyndaǵy Eýrazıa ulttyq ýnıversıtetin «Memlekettik jáne jergilikti basqarý» mamandyǵy boıynsha da támamdaǵan.

Esterińizge salsaq, burynǵy Investısıa jáne damý mınıstri Áset Isekeshev Astana qalasynyń ákimi bolyp taǵaıyndaldy. Al, Astananyń burynǵy ákimi Ádilbek Jaqsybekov Prezıdent ákimshiliginiń basshysy bolyp taǵaıyndalsa, N. Nyǵmatýllın Prezıdent ákimshiliginiń jetekshisi laýazymynan bosap, «Nur Otan» partıasy atynan Májilis depýtaty bolyp tirkeldi. N. Nyǵmatýllın buǵan deıin Qaraǵandy oblysynyń ákimi, «Nur Otan» HDP tóraǵasynyń birinshi orynbasary, Májilis spıkeri syndy laýazymdardy atqarǵan bolatyn.

Májilistiń burynǵy tóraǵasy B. İzmuhambetov «Ardagerler uıymy» RQB jetekshiligine saılandy.