Shegirtkeniń qaptaýyn osy kezge deıin tabıǵatqa jaýyp kelgen sheneýnikter endi shyn kinálilerdi ataı bastady, - dep habarlaıdy Qamshy.kz KTK arnasyna silteme jasap. 

Zıankesterdiń jappaı kóbeıýine Aýyl sharýashylyǵy mınıstrligi mamandarynyń myńdaǵan gektar jerlerdi óńdeý josparyna kirgizbegeni sebep bolypty. Shymkenttiń shendileri bar aqshany uqsata almady dep, kináni ózderine artqan mınıstrlikke búgin osylaı jaýap qaıtardy.

Saparbek Tuıaqbaı, OQO ákiminiń orynbasary:

-Ázirge myna komısıanyń aldyn-ala rastaǵan derekterine sáıkes 40 myń gektarǵa qatelesken. 40 myń gektar qamtylmaǵan boljam kezinde shegirtke shyǵýy múmkin degen. Óńdelmegen jerden shyǵyp otyr birazy.  Shardara, Saryaǵash, Arysta 5 mamyrdan  bastap bul kúsheıe bastady. Ol kezde de eskertý berildi. Biraq, hımıalyq óńdeý ınspeksıa tarapynan ókinishke oraı 17 mamyrdan  keıin bastalǵan.

Alqaptarǵa dári shashý kesh bastalǵanyn aıtpaǵanda jumys ta atústi atqarylǵan eken. Shegirtkemen kúresý jumystaryn jeńip alǵan merdigerlerdiń múmkindigi jetpegen. Eski-qusqy tehnıkamen óńdep júrgen olardyń artynan tekserýshiler de bolmapty. Myńdaǵan gektar jer óńdelmeı qalǵanyn endi arnaıy qurylǵan komısıa anyqtap otyr. Saldarynan kúngeıdiń 3 aýdanynda qarbyz ekken sharýalardyń eńbegi zıankesterdiń jemine aınaldy. Osy kúnge deıin shyǵyn mardymsyz dep kelgen atqaminerler endi kinálilerdi jaýapqa tartamyz deıdi.