Almaty oblysynyń Qaskeleń qalasynda alty balaly otbasy birneshe kúnnen beri dalaǵa túnep júr, - dep habarlaıdy Qamshy.kz Tengrinews.kz-ke silteme jasap. 

Alty balanyń anasy Mádına Muqasheva jaldamaly páterdiń aqshasyn ýaqytynda taýyp bere almaǵandyqtaryn aıtady. Aqsha taýyp bere almaǵan soń qojaıyn qýyp shyqqan. 

«Buryn úıimiz bolǵan. Almatyda. Birneshe jyl buryn qyzymyzdyń kózine operasıa jasatýǵa aqsha kerek bolyp satyp jiberdik. Balamyz tórt birdeı operasıadan ótkenimen, qaıtys bolyp ketti. Ózimiz pátersiz qaldyq. Mine, 12 jyl body, ár úıdiń tabaldyryǵyn tozdyryp júrmiz», - deıdi M. Muqasheva.

«Kúıeýimniń jasy – elý altyda. Qurylys kompanıasynda jumys istegen. Jeltoqsannan beri aılyqtaryn bermedi. Keshe Almatydan oralmady. Qaltasynda aqshasy joq avtobýsqa tóleıtin. Alty balamen páter tabý da qıyn», - degen kelinshek óziniń de, balalarynyń da turaqty tirkeýde joq ekenin aıtady.

Muqashevtar otbasy búgin de dalada túneýi múmkin. Olar qamqor jandardyń tabylatynyna, myna qıyn jaǵdaıdan shyǵýǵa kómektesetinine senedi. Alty balamen dalada qalǵan otbasyǵa materıaldyq kómek kórsetemiz deýshiler úshin Mádına Muqashevanyń telefony: 87474989846