Ońtústik halqy jerdiń satylýyna qarsy ekenin aqyry eshbir jýrnalıs jazbady...
Keshe Shymkent qalasyndaǵy «Azıa» qonaq úıiniń konferens-zalynda bir parlamenttik partıanyń jergilikti bólimshesi jer týraly dóńgelek ústel ótkizdi.
Qatysýshylardan Sharýa Pirmat, Janysbek Ótegen, Jarqynbek Seıtimbet, Jańabek Ábishev, Ómirzaq Aqjigitti tanydym. Basqalaryn tanymadym.
Osy azamattardyń bári sóılep tegis sóılep, jerdiń satylýyna qarsy ekendikterin bildirdi.
Ózbekstannan oralǵan aǵaıyndardan bolsa kerek, bir azamat «Jerdi qytaıǵa jalǵa bergenshe, túbi bir Ózbekstandyqtarǵa jalǵa berý kerek», - dedi.
Sóz reti kelgende meniń aıtqanym mynaý boldy.
1. «Asap toımaǵan, jalap toımaıdy» degen sóz bar. Jerasty baılyqtaryn satyp baıymaǵanda, jerdi satyp baıymaıtynymyzdy bárińiz bilip otyrsyzdar.
2. Bárimizdiń kóksegenimiz turaqtylyq! Kezinde kolhoz-sovhoz ydyraǵanda paıǵa alǵan jerinen bireý ańqaýlyqtan, bireý jalqaýlyqtan aıyrylyp qaldy. Endi sol azamattardyń balalary ósti. Olardyń kópshiligi aýyldan da, qaladan da oryn tappaı júr. Myna jerde otyrǵandaryńyzdyń barlyǵyńyzdyń qarnyńyz toq, kóıleginńiz kók. Al anaý jastardyń jaǵdaıyn kim oılap jatyr? Erteń sizderge turaqsyzdyqty sol jastar jasap beredi dep oılamaısyzdar ma?
3. Taý baýraılaryndaǵy ózenderdiń jaǵalaýlarynyń bárin bireýler qorshap qoıǵan. Tipti demalmaq túgili, jaqyndap sý alý múmkin emes.
- Ony kimder qorshaǵan?
- Zań oryndary qaıda qarap otyr?
- Zańda kórsetilgen «Vodoohrannaıa zona» degen qaıda qaldy?
Jıynnyń materıaly múmkin Qazekeńde bar shyǵar? Jergilikti birneshe jýrnalıs sol zalda otyr edi. Olar da únsiz. Ásekeń – Áset Ássándı ol týraly eshteńe jazbady ma?
Ómir Shynybekulynyń Feısbýktegi paraqshasynan alyndy
