Qazaqstan bloehgerleri alánsynyń jetekshisi Ǵalym Baıtoq qazaqstandyqtardy keler jyly ótetin «Astana EXPO-2017» halyqaralyq kórmesiniń bıletterin satyp almaýǵa shaqyrdy, - dep habarlaıdy Qamshy.kz.

Bloger bul týraly óziniń Feısbýktegi paraqshasynda málimdedi.

«Adamdar! Sizder EXPO-2017 bıletterin ne úshin satyp alyp jatyrsyzdar? Birinshiden, uıymdastyrýshylar bizde bılet satýmen aınalysatyn laıyqty kompanıa joqtaı kórme bıletterin satýdy reseılik kompanıaǵa tapsyrdy. Ekinshiden, qashanǵy halyqtyń qaltasynan kún kórýge bolady? Onsyz da qanshama halyq aqshasy osy qurylysqa ketti, qanshamasy jemqorlardyń qaltasynda qaldy. Endi onymen qoımaı halyq ol kórmege taǵy bılet alýy kerek pe? » Úshinshiden, qaıda asyǵasyzdar? Osy jerde ózimizdiń dástúrli «Satyp alǵanda sońynan bar» qaǵıdasyn iske qosyńyzdar. Munda Starbakske turǵandaı kezek bolmaıtynyna sendiremin. Eń bastysy, sheteldikter bılet satyp alsa bir jóni, al, joǵaryda aıtylǵandardy eskersek, qazir kim bılet satyp alsa, ol qatty aldanady», - dep jazady Ǵ. Baıtoq.