Memleket basshysy Nursultan Nazarbaev Aýǵanstan Islam Respýblıkasynyń Prezıdenti Mohammad Ashraf Ǵanımen kezdesti, - dep habarlaıdy Qamshy.kz Aqordanyń baspasóz qyzmetine silteme jasap.

Kezdesý barysynda memleketter basshylary ekijaqty ózara is-qımyldyń negizgi máselelerin, onyń ishinde saýda-ekonomıka salasyndaǵy ózara tıimdi yntymaqtastyq aıasyn keńeıtý perspektıvalaryn talqylady.+

Budan bólek, eki el kóshbasshylary óńirlik jáne halyqaralyq kún tártibindegi birqatar ózekti jaıttar jóninde pikir almasty.

Nursultan Nazarbaev musylmandar úshin qasıetti Ramazan aıynda ótip otyrǵan kezdesýdiń mańyzdylyǵyna toqtaldy.

– Sizdiń Astanaǵa saparyńyzdyń qorytyndysy boıynsha birqatar mańyzdy kelisimder jasaldy. Qol jetkizilgen ýaǵdalastyqtar aıasynda Qazaqstan sizdiń elge astyq jetkizedi. Sonymen qatar, osy jyly Kabýlda úkimetaralyq komısıanyń otyrysy bolady. Onda elderimizdiń ekonomıkalyq yntymaqtastyǵyn odan ári nyǵaıtý joldary qarastyrylady, – dedi Qazaqstan Prezıdenti.

M.Ǵanı Nursultan Nazarbaevty alda kele jatqan Oraza aıt merekesimen quttyqtady.

– Qazaqstan Aýǵanstannyń mańyzdy saýda seriktesi bolyp sanalady. Biz de úkimetaralyq komısıanyń aldaǵy otyrysynan zor úmit kútemiz, – dedi Aýǵanstan Prezıdenti.

Esterińizge salsaq, Ózbekstanda Shanhaı yntymaqtastyq uıymy elderi basshylarynyń bas qosýy ótýde.