Qaraǵandy oblysynda kúıdirgi dertin juqtyryp kóz jumǵan 2 adam búgin jer qoınyna berildi, - dep habarlaıdy Qamshy.kz KTK arnasyna silteme jasap.

Olar myrysh tabyttarmen asty-ústine hlor tóselip kómilgen. Endi mamandar Erkindik aýylynda  aýrý taratýy múmkin qańǵyǵan ıt pen mysyqty aýlaýdy bastady. 

Al aýrý maldyń eti taraǵan 13 úıdiń ishi men qora- qopsysy tegis zalalsyzdandyrylǵan. Tipti 90 keliden asa kórpe tósek, jaıalyqtary da birneshe ret arnaıy qospalarmen jýylǵan. Endi veterınarlar aýyldaǵy kesel juqtyrýy múmkin buralqy ıt- mysyqtardyń kózin tegis joımaq. Bul úshin aýylǵa keseldi juqtyrǵan janýarlardyń kúlin de qaldyrmaı órteıtin arnaıy tehnıka jetken. Esterińizge salsaq, soıylǵan aýrý mal etinen kúıdirgi dertin aýyldyń 9 adamy juqtyrǵan. Onyń 2-ýi kóz jumsa, qalǵan 7-ýi em alyp jatyr. Jalpy Erkindik aýylynyń 70 turǵyny qazir dárigerlerdiń baqylaýynda. Karantın jarıalanyp aýylǵa kirip-shyǵýǵa shekteý qoıyldy.