Tarazda tasqynnan júzdegen úı tasqyn sýdyń astynda qaldy. Ásirese Talas ózeni mańyndaǵy myńdaǵan úıge qaýip tóndi. Turǵyndar apat jaıynda aldyn ala dabyl qaqqanmen, ákimdik áreketsiz boldy deıdi. Al jaǵdaı ýshyqqan soń, qutqarýshylardyń kesh kelgen kómeginen qaıyr joq dep ashynady.
Taraz qalasyndaǵy Tekturmas aımaǵy túgel aralǵa aınaldy. Sý almaǵan saý jer qalmaǵan. Jurt jınalǵan sýdy shamasy jetkenshe shelektep te arnaıy kólikpen sorǵyzyp ta kórýde. Biraq bul áreketten bereket joq, - dep habarlaıdy Qamshy.kz 31-arnaǵa silteme jasap.
Kópshilik kólkigen sýdyń kólge aınalýyna, Qyrǵyzstandaǵy Kırov sý qoımasynan sý mólsheriniń shamadan tys bosatylýy sebep ekenine senimdi.
LIDA TÝTKINA, Taraz qalasynyń turǵyny:
- Qyrǵyzdaǵy sý qoımasy sý jiberdi. Sol Talastan bizge jer astynan sý kóterilip jatyr.+ Juma kúninen bastap jer astynan sý kóterilip jatyr. Mine altynshy kún boldy. Jańbyrdan emes.
Al tótenshelikter Talas ózenin jaǵalaı jaıǵasqan jurttyń jaǵdaıyn jańbyr sýymen baılanystyrady. Qazir kóterilgen sýdy tómendetý úshin qalaǵa kiretin barlyq aryq kanaldar tolyq bitelgen. Alaıda jer asty sýy azaıar emes.
OMAR TAKEEV, Jambyl oblystyq tótenshe jaǵdaılar departamentiń tótenshe jaǵdaılardy aldyn alý bóliminiń bastyǵy:
- Qazirgi jaǵdaı myna úsh kósheniń tómenge túspeýi ol drenaj kanalynyń sý ótkizý tómendiginen. Sondaı-aq turǵyndarynyń ózderi qoqystardy tastap kanaldyń jabylý oqıǵalary bolyp jatyr.
Al arnasynan asqan Talas bóget buzyp, jaryn jyryp úılerge jaqyndap qalǵan. Máselen mynaý jeksenbi kúngi jaǵdaı. Talas endi tasyp jatqanda turǵyndar talabymen túsirip alǵanbyz. Tórt kúnnen keıingi kórinis mynaý. Ózen kósheniń bir bóligin shaıyp ketip, qoranyń irgesine taıaǵan. Ary qaraı úıdi aǵyzyp ketpes úshin ákimdik baryn salýda. Biraq keshigip jetken kómekten qaıyr az deıdi kóp. Dabyl qaqqan eldiń sózi der kezinde eskerilgende bulaı bolmaıtyn edi deıdi turǵyndar.
GÚLBAIRA TÝLEBEKOVA, Taraz qalasynyń turǵyny:
- Kórip turyp biz aıttyq. Qarańyzshy dep. Sizge áli jaý kelmeıdi dedi. Qoryqpaı qoıyńdar dedi. Myna jerdi opyryp jatqan sol kezde. Sóıtip ketti, sodan joq. Ertesi bir saǵatta sý úıimizge jetip keldi. Janarmaıyn quıyp bersekte, as aýqattandyryp bersekte kelmeı qoıdy ákimshilik.
Sońǵy on kúndikte ǵalamtor jelisinde Qyrǵystandaǵy Kırov sý qoımasy jarylady degen aqpar jeldeı esip júr. Tek búgin ǵana tótenshe jaǵdaılar mınıstrliginiń ókili bul jaıttyń jalǵan ekenin jarıalady. Málimdemede atalmysh sý qoımasy 550 mln tekshe metr sýdy syıdyra alatyny aıtylǵan. Birer kún buryn sý mólsheri osyǵan shamalasyp qalsa qazir 532 mln-dy qurap otyr. Esesine sekýndyna 170 tekshe metr sý Jambylǵa qaraı bosatylýda. Sonyń saldarynan Talas ózeni tasyp, jaǵasyndaǵy jurtqa qaýip tóndirip tur.
