Kólik turaǵyna temir tulparyńyzdy qoıyp, aqysyn tólemeseńiz, jaýapkershilikke tartylyp, 6 myń teńgeden astam aıyppul tóleısiz! Qala bıligi Almaty kóshelerine parkomattar ornatyp, turaqtardaǵy jaǵdaıdy retteý úshin osy máseleni myqtap qolǵa alypty, - dep habarlaıdy Qamshy.kz 31 arnaǵa silteme jasap. 

Alaıda  ázirge bir kóshege 3-aq  termınal ornatylyp, onyń ekeýi jıi isten shyǵady eken. Al el jalǵyz parkomattyń aldyna kelip kezekke turýǵa májbúr.

«Kók bazardyń» kólik turaǵynda «kók» jeıde kıip júretin jigitter kesheli beri kórinbeıdi. Jurt temir tulparlaryn tegin turaqqa qoıatyn boldyq dep qýanyp júr edi, biraq bul qýanyshtary kópke sozylmady. Turaqtyń aqysyn endi turaq qyzmetkerleri emes, myna parkomattar qabyldaıdy eken.  Keshe ǵana iske qosylǵan bul termınaldar, búgin  jurtty jalyqtyryp úlgergen.

Osylaı degen júrgizýshiler  turaqtyń aqysyn qalaı tóleý kerek ekenin túsine almaı biraz ábigerge tústi.  Al myna jigitterdiń jaǵdaıdy árbirine jeke-jeke táptishtep túsindirgýe  ýaqytary da, shydamdary da jetpedi.

- Kólikterin aqyly turaqqa qoıǵannan keıin árbir júrgizýshi mynandaı parkomattardyń qasyna kelip kelesi  operasıalardy júzege asyrýy tıis: Eń áýeli júrgizýshi óz kóliginiń memlekettiń nómirin osy termınalǵa terip tirkeýi kerek. Odan keıin aqysyn tóleýge mindetti. Alǵashqy 15 mınýt tegin. 1 saǵaty 100 teńge.  Turaqqa aqysyn tólemeıtin bolsańyz 3 AEK kóleminde aıyppul arqalaıtyn bolasyz.  Mundaı parkomattar qalamyzdyń ázirge bir kóshesinde ǵana ornalasqan. Olardyń sany qazir úsheý. Al shildeniń sońyna deıin mundaı termınaldar megapolıstegi 9 iri kóshede paıda bolady.

Atap aıtsaq, Nurlytaý bıznes ortalyǵy, saýda qaqpasy atanǵan «Baraholka» mańynda parkomattar paıda bolady. Sonymen qatar Dostyq dańǵylynda, Gogol kóshesi, Jibek joly, Pýshkın jáne Maqatev kóshelerinde dál osyndaı termınaldar ornatylady. Jaǵdaıdy qala ákimshiligi jáne ,quzyrly organdar jiti baqylaýǵa alypty. Eger ádeıi aqy tólemeı ketseńiz ákimishlik jaýapkershilikke tartylyp, 6363 teńge tóleısiz.