Baılanys jáne aqparat qyzmetkerleri kúni qarsańynda «Nur Otan» partıasynyń Ortalyq apparatynda jýrnalıser arasyndaǵy dástúrli «Nur Suńqar» respýblıkalyq baıqaýynyń jeńimpazdaryn marapattaý saltanaty bolyp ótti, - dep habarlaıdy Qamshy.kz.

Qazaqstan Respýblıkasynyń alǵashqy Baspa jáne buqaralyq aqparat mınıstri, QR Parlamenti Májilisiniń depýtaty Qýanysh Sultanov tóraǵalyq etken arnaıy qurylǵan komısıa bir aı kóleminde baıqaýǵa túrli janrdaǵy, atap aıtqanda, ocherk, suhbat, maqala, televızıalyq jáne radıobaǵdarlamalar, jýrnalısik zertteý, sondaı-aq, jarıalanymdar men baǵdarlamalar sıkli boıynsha materıaldar qabyldady. Komısıa quramyna elimizdiń buqaralyq aqparat quraldarynyń eń bedeldi ókilderi kirgen.

Baıqaýǵa qatysý úshin jýrnalıserdiń Elbasy, «Nur Otan» partıasynyń Tóraǵasy N.Á.Nazarbaevtyń aldymyzǵa qoıǵan mindetteri men bergen tapsyrmalarynyń júzege asý barysyna,«Qazaqstan-2050» Strategıasynyń basymdyqtaryna, «Nur Otan» partıasy Doktrınasynyń qaǵıdalaryna jáne partıa bastamalaryna arnalǵan jumystary qabyldandy.

Bıyl «Nur Suńqar» baıqaýyna qatysý úshin respýblıkalyq jáne aımaqtyq buqaralyq aqparat quraldarynan 230-dan astam ótinish kelip tústi. Olardyń ishinen 83 jumys irikteýden ótti.

«Álem. HHİ ǵasyr» Manıfesin júzege asyrýǵa qosqan úlesi úshin» atalymy boıynsha syılyqqa «RG «Kazahstanskaıa pravda» AQ Basqarma Tóraǵasynyń orynbasary Tatána Kostına ıe boldy.

«Nur Otan» partıasynyń jumysy jónindegi eń úzdik materıalǵa arnalǵan syılyq «24.KZ» telearnasyndaǵy «Suhbat» baǵdarlamasynyń avtory jáne júrgizýshisi Erlan Igisinovke berildi.

Úzdik televızıalyq jýrnalıserge beriletin «Erekshe pikir» atalymyna birden eki úmitker laıyq dep tanyldy. Olar – «Habar» agenttigi saraptamalyq baǵdarlamalar bóliminiń korespondenti Aıgúl Ádilova men «Qazaqstan» telearnasynyń arnaıy korespondenti Álimjan Isabaı.

«Sóz sheberi» atalymy boıynsha úzdik jýrnalıs retinde «Aıqyn» gazetiniń redaktory Beısen Tájibaev jeńimpaz atandy. «Qoǵam úni» atalymynda úzdik radıojýrnalıs ataǵy «Orda FM» radıosynyń telearnasynyń arnaıy korespondenti Erlan Sısenovke berildi.

«Aımaq aınasy» atalymy boıynsha jeńis «Egemen Qazaqstan» gazetiniń Jambyl oblysyndaǵy menshikti tilshisi Oralhan Dáýitovke buıyrdy.

Aqparat agenttiginiń úzdik jýrnalısine beriletin «Medıa-profı» atalymyna NUR.kz saıtynyń tilshisi Iýlıa Abramova laıyq dep tanyldy. «Kózqaras» atalymy boıynsha úzdik blogerler retinde Sholpan Álı men Qanat Áýesbaı jeńiske jetti.

«Nur Suńqar» – partıa men BAQ ókilderi arasyndaǵy áriptestikti jáne yntymaqtastyqty damytýdy kózdeıtin Qazaqstannyń barlyq jýrnalısine arnalǵan dástúrli ashyq baıqaý.