Qaraǵandyda izdeýde bolǵan jazasyn óteýshi ustaldy, - dep habarlaıdy Qamshy.kz QazAqparatqa silteme jasap.
«27 jastaǵy jazasyn óteýshi kólikti zańsyz ıelengeni úshin alty jyl merzimge AK-159/20 mekemesinde bolǵan. Erkin júrip-turý quqyǵyn paıdalanǵan ol jumys ornynan qashyp ketip, belgisiz baǵytta boı tasalaǵan», - dedi óńirdiń QAJ departamentiniń ókili Esimjan Baıtasov.
«Jedel izdeý sharalary belsendi ári táýlik boıy júrgizildi. 16 táýlikten keıin QAJ jáne İİD qyzmetkerleriniń jiti áreketiniń arqasynda qashqyn qolǵa tústi. Ony tártip saqshylary ýáde etilgen aqsha úshin kelgen tanysynyń páterinen ustady», - dep qosty E. Baıtasov.
