Oral qalalyq sotynyń úkimimen A.Sarbalına QR QK 190-baby 2-bóligi 2-tarmaǵymen (alaıaqtyq) aıypty dep tanylyp, múlkin tárkileýmen birge onyń eki jylǵa bas bostandyǵy shekteldi, - dep habarlaıdy Qamshy.kz QazAqparatqa silteme jasap.

BQO sotynyń baspasóz qyzmetinen túsken málimetke qaraǵanda, sottalýshy 2014 jyldyń jeltoqsany men 2015 jyldyń aqpanynda tórt adamǵa Oraldan jer telimderin alyp berýge kómektesemin dep, aqshalaryn jymqyrǵan da, taıyp turǵan. Sóıtip jábirlenýshilerge 1 mln.-nan astam teńge zalal keltirgen.

Sot talqysynda atalǵan áıel kinásin tolyq moıyndady.

Sot úkim shyǵarǵan kezde sottalýshynyń aıybyn moıyndap, ókingendigin, onyń jasyn, turǵylyqty mekenjaıy boıynsha berilgen oń minezdemeni eskerdi.

Sot úkimi zańdy kúshine engen joq.