Shymkentte aıaldama atyn durys atamaǵandarǵa aıyppul salynady, - dep habarlaıdy Qamshy.kz "Otyrar" saıtyna silteme jasap.
Sondaı-aq jarnama mátinderiniń taqyryptyq mańyzdylyǵy men saýattylyǵy da qatań qadaǵalaýda bolady. Bul týraly «Kórnekti aqparat jáne jarnama mátinderin zań talaptaryna sáıkes retteý máseleleri» atty oblystyq semınarda beligili boldy. Jaýaptylar qatege toly shımaılardy kórgende, uıattan bas kóterip júrý múmkin emes dep ashynyp otyr.
Qazir qala kóshelerindegi jarnama betindegi óreskel qatelerden kóz alyp qashý múmkin emes. Jeke kásipkerlerdiń qaramaǵyndaǵy ǵımarat mańdaıshalaryndaǵy jazý qateligi eshqandaı da zań aıasyna sáıkes kelmeıdi deıdi jaýaptylar. Jınalǵandar biraýyzdan osy olqylyqtardyń oryn toltyryp, memlekettik tilde durys sóılep, durys jazýdy talap etip otyr.
Ekinshi másele qoǵamdyq kólikte tilderin burap sóıleıtin kondýktorlar týrasynda boldy. Qazaqtyń aqıq adamdarynyń sońyna «a» jurnaǵyn qosyp aıtýǵa tilderi mashyqtanyp qalǵan. Onyń durys atalaýyn izdep nemese qyzyǵýshylyq tanytyp jatqan jan joq. Endigi zań jobasy aıasynda kóshe ataýyn durys atamaǵan azamatqa aıyppul salynyp, 10-20 aılyq eseptik kórsetkish kóleminde aqsha tóleıdi. Ol degenińiz — 20-40 myń teńge.
-Bizdi ásirese qynjyltyp otyrǵany — Ahmet Baıtursynov, Dinmuhamed Qonaev jáne Turar Rysqulov sekildi belgili tulǵalardyń aty berilgen kóshelerdi oryssha aıtýy. «Kýnaeva, Ryskýlova» degendi kóp estıimiz. Al óskeleń urpaq jastar asyl azamattardy áıel eken dep qalady, - deıdi oblystyq tilderdi damytý, arhıvter men qujattama basqarma basshysynyń orynbasary Qasym Aǵabekov.
