Ońtústik Qazaqstan oblysynda kóliktiń jaıaý júrginshi jolynda bir qyzdy qaǵyp ketken sáti kóliktegi vıdeotirkegishke túsirilgen vıdeojazba YouTube hostınginde paıda boldy, - dep habarlaıdy Qamshy.kz.
Vıdeony júktegen er adam túsindirme sózder qosqan. Jol-kólik oqıǵasy 25 maýsymda Ordabasy aýdanynda bolǵan.Kadrlardan qyzdyń jaıaý júrginshi jolynan ótpek bolǵany kórinedi. Ol joldyń ekinshi betine ótýge birneshe qadam qalǵanda, ony Hyundai avtomobıli soǵyp ketedi. Qyz kóliktiń soqqysynan jolǵa qulap túsip, júrgizýshi kóligin toqtatqan.
Er adamnyń aıtýynsha, júrgizýshi qyzdy kóligine otyrǵyzyp alyp, aýrýhanaǵa áketken.
