Petropavlda 9 jasar qyz sýǵa batyp ketti, - dep habarlaıdy Qamshy.kz QR İİM Tótenshe jaǵdaılar komıtetiniń baspasóz qyzmetine silteme jasap.

«25 maýsymda saǵat 11:20-da Petropavl qalasynyń Novopavlovka aýylynyń «Ogonek» saıajaı qoǵamy aýdanynda Esil ózeniniń alabyn qutqarýshylar kúzetpeıtin jerde shomylý kezinde 2007 jyly týǵan qyz sýǵa batyp ketti», - delingen habarlamada.

Sol kúni qyz saıajaı qoǵamynda atasy men ájesinde qonaqta bolyp, atasymen balyq aýlaýǵa ketken. Qaýipti jerde sýǵa shomylý saldarynan olardyń ekeýin de aǵys alyp ketti, atasy sýdan shyǵyp úlgirdi, al qyz batyp ketti. İzdeý jumystaryn oblystyń tótenshe jaǵdaılar departamentiniń, jedel-qutqarý qyzmetiniń, oblys TJD órt sóndirý jáne apattyq-qutqarý jumystary qyzmetiniń, jergilikti polıseı qyzmetiniń kúshteri júrgizýde. Barlyǵy elý adam jumyldyrylǵan.

İzdeý jumystaryn júrgizý shtaby quryldy. Tótenshe oqıǵa oryn alǵan jerde aǵystyń kúshti bolýy izdestirý jumystaryn qıyndatýda.