Eýropa-2016 chempıonatynyń toptyq kezeńniń úshinshi týr kezdesýinde óz komandasy Avstrıa qaqpasyna jeńis golyn soqqan kezde qýanǵannan óńeshin jyrtyp, tanymal bolǵan ıslandıalyq komentator Gýdmýndýr Benedıktsson jumysynan shyǵyp qaldy, - dep habarlaıdy Qamshy.kz Bnews.kz-ke silteme jasap.

Benedıktsson «KR Reıkávık» fýtbol klýby bas jattyqtyrýshysynyń kómekshisi qyzmetin atqaryp keldi. Onyń komandasy barlyq týrnırlerdegi sońǵy alty machtyń beseýinde jeńilis taýyp, osydan soń klýb basshylyǵy bas jattyqtyrýshy Bárnı Gýdonsendy ornynan bosatty. Onymen birge Benedıktsson de jumysynan ketti.

Islandıa men Avstrıa arasyndaǵy kezdesý sársenbi, 22 maýsymda, Parıj mańyndaǵy Sen-Denıdegi «Stad de Frans» stadıonynda ótip, 2:1 esebimen ıslandıalyqtar jeńiske jetken bolatyn.

Óńeshin jyrtyp alǵanyn Benedıktsson machtan soń ózi aıtqan.

Esterińizge sala keteıik, Islandıa quramasynyń soqqan goly úshin qýanǵan komentator bar daýysymen aıqaılaǵan bolatyn.