Halyqaralyq bir top ǵalym Beıjiń qalasynyń jer astyna túsip bara jatqanyn anyqtap otyr. Jer asty sýlaryn shekten tys sorý jáne topyraq qabatynyń buzylýynan Qytaı astanasy jer astyna jyl saıyn 11 santımetrge túsip barady, dep habarlaıdy Qamshy.kz Bnews.kz-ke silteme jasap.
Zertteýshiler qalanyń otyrýy halyqtyń ómirine qaýip tóndiretinin jáne joǵaryjyldamdyqty temirjol júıesine aıtarlyqtaı áser etýi múmkin ekenin aıtýda. Jerdiń bıiktigindegi ózgeristi jer bederiniń ózgeristerin tirkeýge arnalǵan InSAR qurylǵysy anyqtaǵan.
Jerdiń otyrýy ásirese kók tiregen ǵımarattary, aınalma joldar men basqa qala ınfraqurylymdary kóp shoǵyrlanǵan Chaoıan aýdanynda qatty baıqalyp otyr. Jer qabatynyń ártúrli bolyp shógýi bıik ǵımarattar men kólik týnelderi úshin asa qaýipti.
Beıjiń - myńdaǵan jyldar ishinde jer asty sýlary jınaqtalǵan jazyqta ornalasqan qala. Uńǵymalardy kóptep qazyp, sý aıdaýdyń saldarynan jerdiń topyraq qabaty keýip, jıyryla bastaǵan. Aıta keterligi, qala aýmaǵynda jáne onyń tóńireginde kógaldandyrý ján aýyl sharýashylyǵy úshin ondaǵan myń sý aıdaıtyn uńǵylmalar bar.
