Astanada túngi klýbtan shyqqan soń, iz-túzsiz joǵalyp ketken 33 jastaǵy Baldyrǵan Sybanbaevanyń denesi tabyldy, - dep habarlaıdy Qamshy.kz Astana qalalyq İİD-ge silteme jasap.

"26 maýsym kúni shamamen saǵat 12.00 kezinde Prıgorodnyń aýylynyń mańyndaǵy orman alqabynda iz-túzsiz joǵalǵan azamatsha Sybanbaevanyń denesi tabyldy. Onyń denesinen zorlyq belgileri baıqalady", - delingen İİD taratqan baspasóz habarlamasynda.

Qyzdyń ólimine baılanysty sotaldy tergeý jumystary bastaldy.

Aıta keteıik, 19 maýsymda Astana qalalyq İİB kezekshi bólimine Astana qalasynyń turǵyny habarlasqan bolatyn. Ol 18 maýsymda shamamen saǵat 03.00-de onyń týysy Baldyrǵan Sybanbaevanyń "Retro" túngi klýbynan shyǵyp, qaıta oralmaǵanyn habarlaǵan edi.
İz-tússiz joǵalyp ketken qyzdy izdestirý jumystaryna İİD jeke quramy jumyldyrylǵan bolatyn.