Qazaq otbasynyń fotosy men onyń tarıhy gollıvýdtyq aktrısa Kameron Dıastyń jańa kitabynan oryn alatyn boldy, dep habarlaıdy Qamshy.kz.
Kitap 2017 jyldyń kókteminde shyǵady dep josparlanǵan.
2015 jyldyń sońynda aktrısa jarıalaǵan konkýrsqa týystarymen birge qalaı qatysqandyǵy týraly Saıa Oqas áńgimelep berdi.
«Bul ótken jyldyń kúzinde bolǵan edi. Týǵan kún keshinde biz otbasymyzben sýretke tústik. Bir sińilim aktrısa Kameron Dıastyń shyǵarmashylyǵyn unatady. Aktrısa óz saıtyndaár eldiń anasy men qyzdarynyń sýretine konkýrs jarıalapty. Úzdiń fotolardy áıelder jáne sulýlyqty saqtaý týraly kitabyna qosatynyn aıtqan», - deıdi boıjetken.
«Biz konkýrsqa qatysamyz dep sheship, saıtqa foto men otbasymyzdyń tarıhyn jiberdik. mamyr aıynyń basynda AQSH-tyń analar kúni qarsańynda aktrısa Dıas Instagram paraqshasyna fotony saldy. Biz basynda sene almadyq... Fotoda anamyz Gúljanat Oqasova, anamnyń ápkesi Ǵalıa Aqynova men onyń qyzy aısha Saılaýbeva, nemeresi Eraly, taǵy bir ápkemiz Laýra Aqynova», - dep túsindirdi Saıa Oqas.
Instagram jelisinde fotolary jarıalanǵannan keıin, pochtaǵa olardyń fotosy aktrısanyń kelesi kitabyna qosylatyny týraly habarlama kelgenin aıtty boıjetken.
