Qazaqstannyń aýyr atletıka federasıasy Almas Óteshov, Jasulan Qydyrbaev jáne Ermek Ómirtaıdyń dopıng úshin sporttan shettetilgeni týraly resmı málimdeme jasady, - dep habarlaıdy Qamshy.kz Tengrinews.kz-ke silteme jasap.
4 jyldan 8 jylǵa deıingi uzaq ýaqytqa sozylatyn dıskvalıfıkasıanyń sebebi dep federasıadaǵylar sportshylardyń tyıym salynǵan preparattardyń aǵzaǵa qasaqana túsirmegendigin dáleldeı almaýy dep atady.
"Halyqaralyq aýyr atletıka federasıasy (HAAF) Hústondaǵy álem chempıonatynan keıin 2015 jyldyń jeltoqsanynda dopıng-synamalarynda tyıym salynǵan sýbstansıalar anyqtalǵan qazaqstandyq sportshylar Almas Óteshov, Jasulan Qydyrbaev jáne Ermek Ómirtaılarǵa jaza shyǵardy. Dıskvalıfıkasıanyń osynshalyqty uzaq bolýy sportshylardyń aǵzaǵa tyıym salynbaǵan preparattyń qasaqana túsirilmegenin dáleldeı almaýyna baılanysty. HAAF tártiptik komısıasynyń pikirinshe, atletter ishken qosymsha astaryna qajetti túrde nazar aýdarmaǵan", - delingen federasıanyń saıtynda jarıalanǵan habarlamada.
Eske salaıyq, Halyqaralyq aýyr atletıka federasıasy (IWF) qazaqstandyq aýyratletter Almas Óteshov, Jasulan Qydyrbaev jáne Ermek Ómirtaıdy dopıng qoldanǵany úshin dıskvalıfıkasıalaǵan edi.
