Shıetteı 3 ulymen nekeli jary tastap ketkendikten búginge deıin Analar úıin panalap kelgen. Endi, mekeme tártibi boıynsha 29 jastaǵy Aınur Isaınova eki aıdan keıin ol jerden de ketýi kerek. Oǵan qosa bir uly sal aýrýlarymen týǵan. Sondyqtan kelinshek balasynyń emi úshin qaıyrymdy jandardan kómek suraýda, - dep habarlaıdy Qamshy.kz KTK arnasyna silteme jasap.
Otaǵasy İlıas, Dıas, Mıras esimdi úsh ulynyn ómirge kelýin asyǵa kútipti. Alaıda, balalary eki aıǵa tolǵanda ol jumys isteımin degen Astanaǵa jeleýmen ketip, qaıtyp oralmaǵan. Al, nárestelerimen jalǵyz qalǵan Aınur joldasynyn iz-túzsiz ketýine Mırastyń syrqaty sebep deıdi. Óıtkeni, týa bitti sal jáne talma dertine dýshar bolǵan ulynan bezgen kórinedi.
Aınur Isaınova, úshemderdiń anasy:
-Ol, alıment tólemeıdi .Shyndyǵyna kelgende sot oryndaýshylar ony izdemeıdi de. Sonyń keserinen ár balaǵa 2 myń teńgeden járdemaqy ǵana alamyn. Al, tolyq rásimdeý úshin ákesiniń qujaty qajet. Qazir izdeýde júr.
Ózdiginen otyra almaı sińiri tartyla beretin balanyń syrqatyna elimizdiń dárigerleri arasha túse almaǵan. Tek onyń aıaqtan turyp ketýine qytaılyq mamandar kepildik beripti. Biraq, oǵan jumsalatyn qyrýar qarajat Aınurdyń qolynda joq.
Búginde, olardyń Analar úıin panalaǵanyna bir jyldan asypty. Munda odan artyq uzaq turaqtaýǵa bolmaıdy. Sondyqtan barar jer basar taýy joq kelinshek úshin baspana da qaıǵyǵa aınalyp otyr. Al, ózderi tirkelgen páter kezeginiń qashan keletini taǵy belgisiz. Endi, úshemmen dalada qalýdan qoryqqan ana qaıyrymdy jandarǵa alaqan jaıýǵa májbúr.
