Belgili shymkenttik kásipker Toqtar Tóleshovtiń bostandyqqa shyqpaıtynyna kózi jetken bolýy kerek, onymen birge jumys istegen syra zaýytynyń basshylary quryltaıshysynyń masqarasyn shyǵaryp jatyr, - dep habarlaıdy Qamshy.kz KTK arnasyna silteme jasap.

Jýrnalıserdi zaýytqa shaqyrǵan óndiris orny dırektorynyń mindetin atqarýshy, bas esepshi, kadr bóliminiń basshylary men zańgerleri Tóleshovten qorlyq kórip keldik deıdi. Aıtýlarynsha, belgili bıznesmen dúrkirep turǵan kezinde 4 áıelin syra zaýytyna qaǵaz júzinde ornalastyryp, árqaısyna aı saıyn 2 mıllıon 200 myń teńgeden jalaqy tólep kelipti. Eki qyzy da jumysqa bas suqpaı-aq qyrýar jalaqy alyp otyrǵan. Tóleshovtiń kúzeti bar, kóliginiń shyǵyny bar aı saıyn 60 mıllıon teńge soǵan jumsalǵan. Quryltaıshylary aqpanda ol qamaýǵa alynǵannan soń ǵana jaǵdaıymyz túzeldi deıdi.

-Toqtar Tóleshov 5 jyl ishinde kasadan 8 jarym mıllıard teńgeni suraýsyz jumsap jiberdi. Jumysshylardyń ortasha jalaqysy 25 myń teńgeden aspaıtyn. Sonyń kesirinen aılyqty da kótere almaıtynbyz, qaryzymyz da kóbeıip ketti. Endi ol qamaýǵa alynǵaly beri zaýyt daǵdarystan shyǵa bastady, - deıdi syra zaýytynyń býhgalteri Svetlana Lýkınyh.