Pavlodarda jańbyr aralas soqqan jel turǵyndardy jaryqsyz, sýsyz qaldyrdy. Sekýndyna 20 metrge deıin uıytqyǵan daýyl shahardaǵy birneshe kásiporynnyń shatyryn julyp túsirgen, dep habarlaıdy Qamshy.kz KTK arnasyna silteme jasap.
Qatty jelge talaı jylǵy terekter de shydas bermeı, aýlada turǵan kólikterdi basyp qaldy. Abyroı bolǵanda, zardap shekkender joq. Biraq jaýyn aralas soqqan jel kóshedegi aıaldamalardy zaqymdap, turǵyn úıler men birneshe kásiporynnyń shatyryn julyp ketken. Keshki ýaqytta oıran salǵan daýyldan elektr symdary tuıyqtalyp, 300-ge jýyq úı jaryqtan ajyratyldy. Apat saldarynan keı aýdan turǵyndaryna birneshe saǵat sýsyz otyrýǵa da týra kelipti. Endi shyǵyn kólemin esepteý úshin ákimdikte arnaıy komısıa qurylmaq.
