Kókshetaýda ońaltý ortalyǵynan qashyp ketken jasóspirimder búgin saǵat 12:00 shamasynda «Kókshetaý - Petropavl» tas jolynda Alekseevka aýylyna bar jatqan jerinde ustaldy, - dep habarlaıdy Qamshy.kz oblystyq İİD baspasóz qyzmetine silteme jasap.
Jasópirimderdi turǵyndardyń biri jolda baıqap qalyp, dereý polısıaǵa habarlaǵan. Atalǵan aqparat boıynsha barǵan oblystyq İİD krımınaldy polısıa basqarmasy jáne Kókshetaý qalalyq İİB krımınaldy bóliminiń qyzmetkerleri jasópirimderdi ustady.
Eske sala keteıik, 27 maýsym kúni keshki 21:15 shamasynda Kókshetaý qalalyq İİB JBO «Jasóspirimderdi ońaltý ortalyǵy» MM dırektorynyń orynbasary habarlasyp, sol kúni saǵat 18:00 ortalyq aýmaǵynda serýendep júrgen 2001 jylǵy Dıas Kákimov, 2001 jylǵy Vladımır Sobolevskıı jáne 2002 jylǵy Denıs Aspıleıderdiń belgisiz jaqqa ketip qalǵanyn aıtqan bolatyn.
Keıin belgili bolǵandaı Dıas Kákimov, Vladımır Sobolevskıı jasóspirimder isi boıynsha Aqmola oblystyq ıývenaldy sotynyń sheshimi zańdy kúshine engenshe ortalyqta ýaqytsha bolǵan eken. Al Denıs Aspıleıderdiń anasy ata-ana quqynan aıyrylǵan, sol sebepti ol atalǵan sottyń sheshimine sáıkes balalar úıine jiberilgenshe ortalyqty panalaǵan.
