Qytaı Úkimeti óz elderi tarıhyndaǵy eń iri sybaılas jemqorlyqty tergeý barysynda burynǵy qoǵamdyq qaýipsizdik mınıstri Chjoý Iýnkan men onyń otbasy múshelerinen 14,5 mıllıard dollar somasyndaǵy aktıvti alyp aldy.
Qytaı mınıstri 2013 jyly jeltoqsan aıynda sybaılas jemqorlyqqa qatysty aıyptalǵan. Qytaı partıasyn basqaratyn derek kóziniń málimdegendeı, burynǵy mınıstrden bólek bul iske qatysty onyń aınalasyndaǵy 300-den astam adamnyń aty-jóni aıtylýda. Olar – onyń týystary, saıası odaqtastary, 1996-1998 jyldary bas dırektory osy eks-mınıstr bolǵan CNPC munaı-gaz korporasıasynyń qyzmetkerleri. Olardyń kóbisi tutqyndalǵan. Tergeý barysynda 5,9 mıllıard dolar kóleminde banktik esep-shottar toqtatylǵan, jalpy somasy segiz mıllard dollardan asatyn qytaılyq jáne halyqaralyq kompanıalardyń qundy qaǵazdary alyp alynǵan. Sondaı-aq 300 páter jáne úı, antıkvarıat jáne óner týyndylary, 60 kólik quraly, altyn jáne kúmis buıymdar, sheteldik valútadaǵy qoldaryndaǵy aqshalaı qarajattar tárkilengen.
Chjoý Iýnkan QHR qoǵamdyq qaýipsizdik mınıstrligin 2002 jyldan 2007 jylǵa deıin basqarǵan. 2007-2012 jyldary 17-shi shaqyrtylymdaǵy QKP OK Saıasıbúrosynyń turaqy komıtetiniń múshesi bolǵan.
tengrinews.kz
