Almatyda bolǵan atystan bir turǵyny men úsh polısıa qyzmetkeri qaza tapty, - dep habarlaıdy Qamshy.kz QR İshki ister mınıstrliginiń baspasóz qyzmetine silteme jasap. 

«Qylmysker qala turǵynynyń jeke jeńil avtokóligin ıelený úshin oǵan oq atyp, kólik júrgizýshisi alǵan jaraqatynan qaza tapty. Sondaı-aq, alǵan jaraqatynan úsh polısıa qyzmetkeri aýrýhanaǵa jetkizý kezinde kóz jumdy»,-delingen resmı habarlamada.

Resmı derek boynsha, Almaty qalasy İshki ister departamentiniń Almaly aýdandyq ishki ister basqarmasyna ótpek bolǵan qylmysker posttaǵy polısıaǵa oq jaýdyryp, polısıa qyzmetkeriniń qarýyn ıelenip qashyp ketken. 

Qylmyskerdiń artynan qýǵan «Boran» polısıa ekıpajyna qarsy da oq jaýyp, sonyń saldarynan eki polısıa qyzmetkeri jaralandy.

«Qazaqkonsert» AQ ornalasqan aýdanda polısıa qylmyskerdi jaralap, ony qolǵa túsirdi.

«Aldyn ala boljam boıynsha, ustalǵan adam Qyzylorda oblysynyń 27 jastaǵy týmasy, buryn sottalǵan. Ótken demalys kúnderi bir áıeldi óltirdi degen kúdik bar. Qala boıynsha «Sırena» jedel jospary júzege asyrylyp jatyr. Polısıa qyzmetkerleriniń barlyǵy qylmyskerdiń sybaılastaryn izdeýde», - dep habarlady QR İİM baspasóz qyzmeti.