Túrkıanyń  kýrorttty qalasy Marmarıste Prezıdent Erdoǵandy óltirmek bolǵandardy izdeý operasıasy bastaldy. Bul týraly  «Interfaks» agenttigi habarlaıdy. Málimetterge qaraǵanda bundaǵy  áskerıler sany 25, olardyń menshiginde 2 tikushaq bar. Erdoǵanǵa qastandyq jasamaq bolǵan áskerıler kýrortty aımaqtaǵy taý ishinde jasyrynyp júrgen kórinedi.

Túrkıada ótken aptada jumadan senbige qaraǵan túni bolǵan áskerı tóńkeris kezinde Erdoǵan otbasymen Marmarıste demalyp jatqan bolatyn. El basshysy shabýyl jasalýyna birneshe mınýt qalǵanda qonaqúıdi tastap qashqan. Shabýyl kezinde kúzetshiler mert bolǵan. Túrik bıligi jappaı tártipsizdikterdiń oryn alýyna ıslam ýaǵyzshysy Fethýllaha Gúlendi kináli dep tanýda. Ol 1999 jyldan beri AQSH-ta turyp jatyr.