Almatylyq polıseılerdi óltirgen Rýslan Kúlikbaevtiń kelinshegi kúıeýiniń áreketi úshin elden keshirim surady, - dep habarlaıdy Qamshy.kz KTK arnasyna silteme jasap.
«Polıseıler Rýslan Kúlikbaevtyń áıelin de tergep jatyr. Baıqońyr qalasynan arnaıy jetkizilgen Aıaýlym Úmbetqulovany tártip saqshylary 7 saǵat boıy suraqtyń astyna alǵan. Jaldamaly páterdiń meken-jaıyn aıtqan da osy kelinshek eken. Búgin lańkestiń áıeli bizdiń tilshilerge de suhbat berdi. Aıtýynsha, din jolyndaǵy kúıeýiniń qandyqol qylmysker ekenin bilmegen. Tipti Rýslannyń adam óltirgenin de telearnadan kóripti. Sondyqtan qara jamylǵan otbasylardan kúıeýi úshin keshirim surady»,- dep habarlaıdy telearna.
