Almatylyq «atqysh» Rýslan Kúlikbaev Qyzylordada kóne qarý saqtaǵany úshin jaýapqa tartylǵan, - dep habarlaıdy Qamshy.kz tengrinews.kz- ke silteme jasap.

Qyzylorda oblystyq sotynyń habarlaýynsha ol 2012 jylǵy 14 aqpanda Taraz qalasynyń temirjol vokzaly mańynda 1895 jyly shyǵarylǵan 5,6 mılımetrlik kalıbrli kóne revolver men 5,6 mılımetrlik 7 patron, qarýdyń únin basatyn quralyn taýyp alady. Qarýdy polısıaǵa ótkizbeı odan ári saqtaý úshin ózimen alyp ketken. Osy áreketi úshin ol 3 jyl alty aı merzimge bas bostandyǵynan aırylǵan eken. R. Kúlikbaev jazasyn jalpy rejımdegi kolonıada ótegen.

Esterińizge salsaq, 18 shilde kúni Almatyda terakt bolyp, R. Kúlikbaevtyń qolynan tórt polısıa qyzmetkeri, bir shekarashy, bir zeınetker men bir «jeńil júristi» delingen kelinshek qaza tapty. Qandyqol tutqyndalyp, qamaýǵa alyndy.